Со задоволство ве информираме дека денес, 13.11.2024 година, ТТК Банка го отвори својот нов шалтер во Битола, на булевар „1-ви Мај“ бр. 61 во рамки на објектот на општина Битола.

На новата локација, корисниците ќе добијат брза, ефикасна и професионална услуга при извршување на универзални банкарски активности: отворање на платежна сметка, платен промет во земјата, менувачко работење, депозитно работење, активирање на дигиталните услуги преку TTK Е-bank и TTK M-Bank, картично работење и останати банкарски услуги.

Проширувањето на нашата деловна мрежа е стратешка цел за подобрување на корисничкото искуство и зголемување на достапноста на производите и услугите на ТТК Банка.

Со отворањето на новиот шалтер, продолжуваме да го зајакнуваме нашето присуство во регионите каде што е потребно.

Со почит,

ТТК Банка