• Домашно или странско правно или физичко лице кое врши регистрирана дејност или друго физичко лице кое врши плаќање во денари преку носителите на платниот промет.

Идентификување на учесникот во платниот промет - учесникот во платниот промет се идентификува преку платежната сметка којашто е составена од 15 бројки и претставува единствен и неповторлив нумерички податок преку којшто се вршат плаќања.

ТТК Банка АД Скопје ги врши сите денарски трансакции на своите корисници преку:

• Интерен платен промет;
• Меѓубанкарски платен промет.

Интерен платен промет

Плаќања меѓу комитентите на Банката (систем на плаќања во рамките на една банка), кој е најевтин и најбрз начин на реализација на налозите за плаќање. Истовремено Банката ги врши и сите готовински плаќања (уплати и исплати на готовина).

Меѓубанкарски платен промет (МИПС, КИБС) - Меѓубанкарски платен промет каде што учесниците од две банки може да ги извршуваат своите плаќања преку два система на порамнувања:

МИПС – Македонски интербанкарски платен систем, односно систем на порамнување во НБРСМ. Се користи за итни и големи плаќања на и над 1.000.000 денари.

КИБС – Клириншки интербанкарски систем, односно систем на порамнување во Клириншката куќа. Порамнувањето меѓу банките се врши на крајот од пресметковниот ден за налози до 1.000.000 денари.